Richard Sharpe
| Richard Sharpe | |
|---|---|
.jpg)
| |
| Persona informo | |
| Naskiĝo | 31-an de decembro 1844 en Parizo |
| Morto | 1-an de aŭgusto 1923 (78-jaraĝa) en Coggeshall |
| Lingvoj | Esperanto |
| Loĝloko | Upper Norwood • Coggeshall |
| Ŝtataneco | Unuiĝinta Reĝlando (Britio) 
|
| Okupo | |
| Okupo | esperantisto
|
Richard SHARPE [riĉard ŝarp], ankaŭ konata kiel RoŜo (naskiĝis la 31-an de decembro 1844[1] en Parizo, mortis la 1-an de aŭgusto 1923 en Coggeshall) estis angla esperantisto.
Li estis komercisto, lerta lingvisto, kaj kosmopolito vojaĝinta en 14 landoj. Li esperantistiĝis en Bonaero en 1906.
En 1907 li el Brazilo revenis al Britujo kaj ekloĝis en Torquay. Ekde tiam li dediĉis sin al Esperanto kaj en 1913 publikigis aŭtobiografian verkon, Travivaĵoj de Ro. Ŝo.. Post la Unua Mondmilito li ankoraŭ partoprenis la kongresojn en Hago (1921) kaj Prago (1922).
Post kelkmonata malsano li mortis en la domo de nevo en Coggeshall. Nekrologo aperis en La Brita Esperantisto, septembro 1923, p. 106.
El lingva vidpunkto, li estis aparte fidela al la zamenhofa Esperanto. Multaj liaj lingvaj konsiloj estis aprobitaj de Zamenhof.
Kolekto ĉe Muzeo Viktoria kaj Alberto
[redakti | redakti fonton]En 1917, Sharpe propanis al la muzeo sian kolekton da dek ses poŝtukoj al Department of Textiles de Muzeo Viktoria kaj Alberto. Li petis samtempe, ke lia donaco estu iel kunligata al Esperanto-movado. La direktoro de la muzeo volonte akceptis ekzemplerojn de Esperantaj gazetoj, en kiuj Sharpe anoncis sian donacon kaj ankaŭ zorgis pri tio, ke la rilato inter la tukoj kaj nia kara lingvo estu klarigota al la interesatoj[2]. Oni povas vidi en oficiala retejo de la Muzeo, ke ankoraŭ ekzistas tie ses poŝtukoj donita de Richard Sharpe[3] sed ne plu estas mencio de ilia rilato al Esperanto.
Notoj kaj referencoj
[redakti | redakti fonton]- ↑ La tria cifero mankas en la Enciklopedio de Esperanto. Tamen, en la libro Travivaĵoj de Ro. Ŝo. li skribas, en la unua paĝo: "Mi naskiĝis en Parizo la 31an de Decembro 1844".
- ↑ La Brita Esperantisto - Numero 154, Oktobro (1917), pĝ 86
- ↑ https://collections.vam.ac.uk/search/?page=1&page_size=15&q=%22Richard+Sharpe%22